International News

မလေးရှားမှာ တရားမဝင်မြန်မာ ရာနဲ့ချီ အဖမ်းခံရ

မလေးရှားနိုင်ငံမှာ အဖမ်းအဆီးတွေ ဆက်ရှိနေပြီး ဒီရက်ပိုင်းမှာပဲ စီလန်ဂေါပြည်နယ်ထဲက မြန်မာအပါအဝင် နိုင်ငံခြားသား ကိုယ်ပိုင်လုပ်ငန်း လုပ်ကိုင်နေသူတွေကို ဖမ်းဆီးမှုတွေ လုပ်နေပါတယ်။ အပြည့်အစုံကို ထိုင်းအခြေစိုက် ဗွီအိုအေ မြန်မာပိုင်း သတင်းထောက် မအေးအေးမာ တင်ပြပေးထားပါတယ်။မလေးရှားနိုင်ငံ စီလန်ဂေါပြည်နယ်ထဲမှာ မြန်မာတွေ အများဆုံးနေထိုင်နေတဲ့ နေရာတွေမှာ အဖမ်းအဆီးတွေ များနေတာပါ။ မလေးရှားအခြေစိုက် ဒါနကုသလ နာရေးကူညီမှုအသင်း ဥက္ကဋ္ဌ ကိုရဲမင်းထွန်းက အခုလိုပြောပါတယ်။

“ပုံမှန်ကတော့ အဖမ်းအဆီးတွေကတော့ နေရာတိုင်းမှာ ရှိပါတယ်။ တရားမဝင် အလုပ်သမားတွေလည်း ဖမ်းနေတာပဲ။ စီလန်ဂေါပြည်နယ်ထဲမှာတော့ မြန်မာတွေ နေရာအနှံ့မှာ ရှိပါတယ်။ စီလန်ဂေါက ပြည်နယ်ပေါ့၊ ကွာလာလမ်ပူကလည်း အဲဒီပြည်နယ်ထဲမှာပါတယ်။”သြဂုတ်လ ၁၅ ရက်နေ့မှာလည်း ပီနန်းဘက်မှာ အော်ပရာစီ စစ်ဆင်ရေး လုပ်ခဲ့တာကြောင့် ဒီရက်ပိုင်းအတွင်း မြန်မာတွေ ရာဂဏန်းနဲ့ချီ အဖမ်းခံနေရပါတယ်။

မလေးရှား ပြည်ထဲရေးဝန်ကြီး Datuk Seri Hamzah Zainudin က သြဂုတ်လ ၁၃ ရက်နေ့တုန်းကတော့ အခုလို ပြောသွားပါတယ်။“၆ လအတွင်း တရားမဝင် နိုင်ငံခြားသားတွေကို အဖမ်းအဆီး လုပ်ခဲ့ရာမှာ မြန်မာအပါအဝင် တရားမဝင်နိုင်ငံသား ၂၁,၀၀၀ ကျော်ကို ပြည်နှင်ဒဏ်ပေးခဲ့ပြီး လက်ရှိ ထိန်းသိမ်းရေး စခန်းတွေထဲမှာ မြန်မာအပါအဝင် တရားမဝင် နိုင်ငံခြားသား ၁၆,၀၀၀ နီးပါး ကျန်နေသေးတယ်။

သူတို့ကို နေရပ်ပြန်မပို့မီ COVID-19 စစ်ဆေးပေးပြီး ကိုဗစ်ကပ်ရောဂါ ဖြစ်နေတယ်ဆိုရင် ဆေးဝါးကုသပေးပြီးမှ ပြည်နှင်ဒဏ်ပေးမယ်။ မလေးရှားနိုင်ငံရဲ့ စိုးရိမ်မှုကတော့ ဖမ်းဆီးမိတဲ့ နိုင်ငံခြားသားတွေမှာ ကိုဗစ်ကူးစက်နေသူတွေကို သူတို့နိုင်ငံတွေဆီ ပြန်ပို့မိမှာကိုပဲ စိုးရိမ်မိတယ်။ ဒီအတွက် ကိုဗစ်ကင်းစင်သူတွေကိုသာ နေရပ်ရင်းကို ပြန်ပို့ပေးမှာဖြစ်ပါတယ်။” ဆိုပြီး မလေးရှားဘာသာနဲ့ ပြောဆိုသွားတာပါ။

လူဝင်မှုကြီးကြပ်ရေးဌာနကတော့ အခုနှစ် အစောပိုင်းက စပြီး ပြီးခဲ့တဲ့ တနင်္လာနေ့အထိ အော်ပရာစီ စစ်ဆင်ရေးပေါင်း ၄,၇၀၀ ကျော် ပြုလုပ်ခဲ့ပြီး ပြစ်မှုကျူးလွန်တဲ့ တရားဝင်ရော တရားမဝင်ပါ ပါဝင်တဲ့ နိုင်ငံခြားသား ၁၈,၀၀၀ ကျော်ကိုလည်း ဖမ်းဆီးစစ်ဆေးခဲ့ပြီး ပြစ်မှုကျူးလွန်ခဲ့တဲ့ လိုင်စင်မရှိဘဲ အလုပ်လုပ်ခွင့်မရှိဘဲ ကိုယ်ပိုင်လုပ်ငန်း လုပ်ကိုင်သူ ၂၆၉ ဦးကို ဖမ်းဆီးထိန်းသိမ်းခဲ့ကြောင်း သြဂုတ်လ ၁၃ ရက်နေ့က ပြုလုပ်ခဲ့တဲ့ သတင်းစာရှင်းလင်းပွဲမှာ ပြောဆိုသွားပါတယ်။

အခု ဖမ်းဆီးခံနေရသူတွေကတော့ တရားမဝင် နေထိုင် အလုပ်လုပ်ကိုင်နေသူတွေ ဈေးဆိုင်တွေ ကုန်ထုတ်လုပ်ငန်းတွေကို ကိုယ်ပိုင်လုပ်ဆောင်နေသူတွေကို အဓိက ဖမ်းဆီးတာ ဖြစ်ပါတယ်။ သူတို့တွေဟာ တရားဝင်မှတ်ပုံတင်တာ မဟုတ်ဘဲ လိုင်စင်မဲ့ တရားမဝင် လုပ်ဆောင်နေကြတာကြောင့် ဖြစ်တယ်လို့ ဆိုပါတယ်။

————————–

မလေးရှားနိုင်ငံမှာ အဖမ်းအဆီးတွေ ဆက်ရှိနေပြီး ဒီရက်ပိုင်းမှာပဲ စီလန်ဂေါပြည်နယ်ထဲက မြန်မာအပါအဝင် နိုင်ငံခြားသား ကိုယ်ပိုင်လုပ်ငန်း လုပ်ကိုင်နေသူတွေကို ဖမ်းဆီးမှုတွေ လုပ်နေပါတယ်။ အပြည့်အစုံကို ထိုင်းအခြေစိုက် ဗွီအိုအေ မြန်မာပိုင်း သတင်းထောက် မအေးအေးမာ တင်ပြပေးထားပါတယ်။မလေးရှားနိုင်ငံ စီလန်ဂေါပြည်နယ်ထဲမှာ မြန်မာတွေ အများဆုံးနေထိုင်နေတဲ့ နေရာတွေမှာ အဖမ်းအဆီးတွေ များနေတာပါ။ မလေးရှားအခြေစိုက် ဒါနကုသလ နာရေးကူညီမှုအသင်း ဥက္ကဋ္ဌ ကိုရဲမင်းထွန်းက အခုလိုပြောပါတယ်။

“ပုံမှန်ကတော့ အဖမ်းအဆီးတွေကတော့ နေရာတိုင်းမှာ ရှိပါတယ်။ တရားမဝင် အလုပ်သမားတွေလည်း ဖမ်းနေတာပဲ။ စီလန်ဂေါပြည်နယ်ထဲမှာတော့ မြန်မာတွေ နေရာအနှံ့မှာ ရှိပါတယ်။ စီလန်ဂေါက ပြည်နယ်ပေါ့၊ ကွာလာလမ်ပူကလည်း အဲဒီပြည်နယ်ထဲမှာပါတယ်။”သြဂုတ်လ ၁၅ ရက်နေ့မှာလည်း ပီနန်းဘက်မှာ အော်ပရာစီ စစ်ဆင်ရေး လုပ်ခဲ့တာကြောင့် ဒီရက်ပိုင်းအတွင်း မြန်မာတွေ ရာဂဏန်းနဲ့ချီ အဖမ်းခံနေရပါတယ်။

မလေးရှား ပြည်ထဲရေးဝန်ကြီး Datuk Seri Hamzah Zainudin က သြဂုတ်လ ၁၃ ရက်နေ့တုန်းကတော့ အခုလို ပြောသွားပါတယ်။“၆ လအတွင်း တရားမဝင် နိုင်ငံခြားသားတွေကို အဖမ်းအဆီး လုပ်ခဲ့ရာမှာ မြန်မာအပါအဝင် တရားမဝင်နိုင်ငံသား ၂၁,၀၀၀ ကျော်ကို ပြည်နှင်ဒဏ်ပေးခဲ့ပြီး လက်ရှိ ထိန်းသိမ်းရေး စခန်းတွေထဲမှာ မြန်မာအပါအဝင် တရားမဝင် နိုင်ငံခြားသား ၁၆,၀၀၀ နီးပါး ကျန်နေသေးတယ်။

သူတို့ကို နေရပ်ပြန်မပို့မီ COVID-19 စစ်ဆေးပေးပြီး ကိုဗစ်ကပ်ရောဂါ ဖြစ်နေတယ်ဆိုရင် ဆေးဝါးကုသပေးပြီးမှ ပြည်နှင်ဒဏ်ပေးမယ်။ မလေးရှားနိုင်ငံရဲ့ စိုးရိမ်မှုကတော့ ဖမ်းဆီးမိတဲ့ နိုင်ငံခြားသားတွေမှာ ကိုဗစ်ကူးစက်နေသူတွေကို သူတို့နိုင်ငံတွေဆီ ပြန်ပို့မိမှာကိုပဲ စိုးရိမ်မိတယ်။ ဒီအတွက် ကိုဗစ်ကင်းစင်သူတွေကိုသာ နေရပ်ရင်းကို ပြန်ပို့ပေးမှာဖြစ်ပါတယ်။” ဆိုပြီး မလေးရှားဘာသာနဲ့ ပြောဆိုသွားတာပါ။

လူဝင်မှုကြီးကြပ်ရေးဌာနကတော့ အခုနှစ် အစောပိုင်းက စပြီး ပြီးခဲ့တဲ့ တနင်္လာနေ့အထိ အော်ပရာစီ စစ်ဆင်ရေးပေါင်း ၄,၇၀၀ ကျော် ပြုလုပ်ခဲ့ပြီး ပြစ်မှုကျူးလွန်တဲ့ တရားဝင်ရော တရားမဝင်ပါ ပါဝင်တဲ့ နိုင်ငံခြားသား ၁၈,၀၀၀ ကျော်ကိုလည်း ဖမ်းဆီးစစ်ဆေးခဲ့ပြီး ပြစ်မှုကျူးလွန်ခဲ့တဲ့ လိုင်စင်မရှိဘဲ အလုပ်လုပ်ခွင့်မရှိဘဲ ကိုယ်ပိုင်လုပ်ငန်း လုပ်ကိုင်သူ ၂၆၉ ဦးကို ဖမ်းဆီးထိန်းသိမ်းခဲ့ကြောင်း သြဂုတ်လ ၁၃ ရက်နေ့က ပြုလုပ်ခဲ့တဲ့ သတင်းစာရှင်းလင်းပွဲမှာ ပြောဆိုသွားပါတယ်။

အခု ဖမ်းဆီးခံနေရသူတွေကတော့ တရားမဝင် နေထိုင် အလုပ်လုပ်ကိုင်နေသူတွေ ဈေးဆိုင်တွေ ကုန်ထုတ်လုပ်ငန်းတွေကို ကိုယ်ပိုင်လုပ်ဆောင်နေသူတွေကို အဓိက ဖမ်းဆီးတာ ဖြစ်ပါတယ်။ သူတို့တွေဟာ တရားဝင်မှတ်ပုံတင်တာ မဟုတ်ဘဲ လိုင်စင်မဲ့ တရားမဝင် လုပ်ဆောင်နေကြတာကြောင့် ဖြစ်တယ်လို့ ဆိုပါတယ်။

VOA Burmese News