Knowledge

အသက် ၁၈ နှစ်မပြည့်ခင်မှာ ဆရာဝန်ဖြစ်ခဲ့သူ

ကမ္ဘာကျော်ဂင်းနစ်မှတ်တမ်းအရ ကမ္ဘာ့အသက်ငယ်ဆုံးဆရာဝန်စံချိန်ကိုတော့ ၁၉၉၅ခုနှစ် မေလ ၁၉ ရက်နေ့မှာ တင်ခဲ့ပါတယ်။ ဒီစံချိန်ကိုတင်ခဲ့သူကတော့ အိန္ဒိယနွယ်ဖွား Balamurali Ambati ဖြစ်ပြီး ဆရာဝန်ဘွဲ့ရတဲ့အချိန်က သူ့ရဲ့အသက်ဟာ ၁၇နှစ် နဲ့ ၂၉၄ရက်ပဲ ရှိပါသေးတယ်။

သူ့ကို ၁၉၇၇ ခုနှစ်က စက်မှုအင်ဂျင်နီယာ ဖခင်ဖြစ်သူ နဲ့ သင်္ချာဆရာမ မိခင် တို့က အိန္ဒိယနိုင်ငံ Vellore မြို့မှာ မွေးဖွားခဲ့ပါတယ်။ ငယ်စဉ်ကတည်းက ဉာဏ်အလွန်ကောင်းခဲ့ပြီး အသက် ၄နှစ်မှာ ရှုပ်ထွေးတဲ့သင်္ချာတွေကို တွက်နေပါပြီ။ calculus လိုသင်္ချာပုစ္ဆာတွေကို အဲဒီအချိန်ကတည်းက တွက်နိုင်နေခဲ့ပြီလို့ သိရပါတယ်။

သူ ၃နှစ်အရွယ်မှာ မိဘတွေနဲ့ အတူအမေရိကန်ကို ပြောင်းခဲ့ပါတယ်။ Baltimore Polytechnic Institute ဝင်ခွင့်ရခဲ့ပြီး မကြာမီမှာပဲ Baltimore ကောလိပ်ကို တက်ရောက်ခဲ့ပါတယ်။ အသက် ၁၁နှစ်မှာတော့ ကောလိပ်အောင်မြင်လို့ တက္ကသိုလ် ဆက်တက်ပါတယ်။ နယူးယောက်တက္ကသိုလ်မှာ တက်ခဲ့တာဖြစ်ပြီး ၂နှစ်အကြာ အသက် ၁၃နှစ်မှာတင် ဘွဲ့ရခဲ့ပါတယ်။

အသက် ၁၁နှစ်အရွယ်မှာ အစ်ကိုဖြစ်သူဆရာဝန်နဲ့ အတူ AIDS: The True Story – A Comprehensive Guide ဆိုတဲ့ စာအုပ်ကို တွဲဖက်ရေးခဲ့ပါသေးတယ်။ Mount Sinai School ဆေးကျောင်းမှာ ဆေးပညာကို ဆက်လက်သင်ယူပြီး ၄နှစ်အကြာ အသက် ၁၈နှစ်မပြည့်မီမှာပဲ ဆရာဝန်ဘွဲ့ကို ရရှိခဲ့ပါတယ်။ စာမေးပွဲကို ဘာသာစုံဂုဏ်ထူးနဲ့ အောင်မြင်ခဲ့တာဖြစ်ပါတယ်။

ဆက်လက်ပြီးတော့ ဟားဗတ်တက္ကသိုလ်မှာ မျက်စိအထူးပြု ဆေးပညာကို ဆက်တက်ခဲ့ပါတယ်။ ဒီလိုတက်နေရင်း မျက်ကြည်လွှာဆိုင်ရာ strategy တွေကို ပိုမိုတိုးတက်အောင် ကူညီနိုင်ခဲ့ပါတယ်။ ပါရမီရှင်ရွေးချယ်မှုအဖွဲ့ WSTS(Westinghouse Science Talent Search ) မှာ အနိုင်ရရှိခဲ့သလို အခြားဆုပေါင်းများစွာကိုလည်း ရရှိခဲ့ပါတယ်။

၂၀၀၂ ခုနှစ်မှာတော့ Duke တက္ကသိုလ်ရဲ့ မျက်ကြည်လွှာနဲ့ ခွဲစိတ်မှုဆိုင်ရာ အဖွဲ့ဝင်တယောက်ဖြစ်ခဲ့ပါတယ်။ အဲဒီနောက်တော့ ဂျော်ဂျီယာဆေးကောလိပ်မှာ မျက်ကြည်လွှာ နဲ့ ခွဲစိတ်မှုဆိုင်ရာနည်းပညာတွေကို သုတေသနလုပ်ခဲ့ပါတယ်။ ဆေးရုံတွေမှာ စေတနာ့ဝန်ထမ်းအဖြစ် ထမ်းဆောင်နေရင်း ၂၀၀၈ ခုနှစ်မှာတော့ ဂျော်ဂျီယာဆေးကောလိပ်ကနေ Cell Biology နဲ့ ပါရဂူဘွဲ့ကို ရရှိခဲ့ပါတယ်။

သူဟာ ပရဟိတကို ဝါသနာပါပြီး ချို့တဲ့တဲ့နိုင်ငံငယ်လေးတွေကို မကြာခဏသွားကာ ခွဲစိတ်ကုသမှုများ ပြုလုပ်ပေးခြင်း နဲ့ ပညာရပ်များ မျှဝေပေးခြင်းတို့ကို ပြုလုပ်ခဲ့ပါတယ်။ ၂၀၁၁ ခုနှစ်တုန်းကတော့ ၁၆နှစ်အရွယ်ကောင်လေးတယောက်အတွက် သူ့ရဲ့ ကျောက်ကပ်တဖက်ကို လှူဒါန်းခဲ့ပါသေးတယ်။

၂၀၁၆ ခုနှစ်အထိတော့ ယူတားပြည်နယ် Salt Lake City မှာရှိတဲ့ Moran Eye Center မှာ မျက်စိအထူးကုပါမောက္ခအဖြစ် တာဝန်ထမ်းဆောင်ခဲ့ပါတယ်။ လက်ရှိအချိန်မှာတော့ အသက် ၄၃နှစ် ရှိပြီဖြစ်တဲ့ Ambati ဟာ ယူတားဆေးတက္ကသိုလ်ရဲ့ မျက်ကြည်လွှာ ဆိုင်ရာ သုတေသနဒါရိုက်တာအဖြစ် တာဝန်ထမ်းဆောင်လျှက်ရှိပါတယ်။

(Zawgyi)

အသက် ၁၈ နှစ်မပြည့်ခင်မှာ ဆရာဝန်ဖြစ်ခဲ့သူ

ကမ္ဘာကျော်ဂင်းနစ်မှတ်တမ်းအရ ကမ္ဘာ့အသက်ငယ်ဆုံးဆရာဝန်စံချိန်ကိုတော့ ၁၉၉၅ခုနှစ် မေလ ၁၉ ရက်နေ့မှာ တင်ခဲ့ပါတယ်။ ဒီစံချိန်ကိုတင်ခဲ့သူကတော့ အိန္ဒိယနွယ်ဖွား Balamurali Ambati ဖြစ်ပြီး ဆရာဝန်ဘွဲ့ရတဲ့အချိန်က သူ့ရဲ့အသက်ဟာ ၁၇နှစ် နဲ့ ၂၉၄ရက်ပဲ ရှိပါသေးတယ်။

သူ့ကို ၁၉၇၇ ခုနှစ်က စက်မှုအင်ဂျင်နီယာ ဖခင်ဖြစ်သူ နဲ့ သင်္ချာဆရာမ မိခင် တို့က အိန္ဒိယနိုင်ငံ Vellore မြို့မှာ မွေးဖွားခဲ့ပါတယ်။ ငယ်စဉ်ကတည်းက ဉာဏ်အလွန်ကောင်းခဲ့ပြီး အသက် ၄နှစ်မှာ ရှုပ်ထွေးတဲ့သင်္ချာတွေကို တွက်နေပါပြီ။ calculus လိုသင်္ချာပုစ္ဆာတွေကို အဲဒီအချိန်ကတည်းက တွက်နိုင်နေခဲ့ပြီလို့ သိရပါတယ်။

သူ ၃နှစ်အရွယ်မှာ မိဘတွေနဲ့ အတူအမေရိကန်ကို ပြောင်းခဲ့ပါတယ်။ Baltimore Polytechnic Institute ဝင်ခွင့်ရခဲ့ပြီး မကြာမီမှာပဲ Baltimore ကောလိပ်ကို တက်ရောက်ခဲ့ပါတယ်။ အသက် ၁၁နှစ်မှာတော့ ကောလိပ်အောင်မြင်လို့ တက္ကသိုလ် ဆက်တက်ပါတယ်။ နယူးယောက်တက္ကသိုလ်မှာ တက်ခဲ့တာဖြစ်ပြီး ၂နှစ်အကြာ အသက် ၁၃နှစ်မှာတင် ဘွဲ့ရခဲ့ပါတယ်။

အသက် ၁၁နှစ်အရွယ်မှာ အစ်ကိုဖြစ်သူဆရာဝန်နဲ့ အတူ AIDS: The True Story – A Comprehensive Guide ဆိုတဲ့ စာအုပ်ကို တွဲဖက်ရေးခဲ့ပါသေးတယ်။ Mount Sinai School ဆေးကျောင်းမှာ ဆေးပညာကို ဆက်လက်သင်ယူပြီး ၄နှစ်အကြာ အသက် ၁၈နှစ်မပြည့်မီမှာပဲ ဆရာဝန်ဘွဲ့ကို ရရှိခဲ့ပါတယ်။ စာမေးပွဲကို ဘာသာစုံဂုဏ်ထူးနဲ့ အောင်မြင်ခဲ့တာဖြစ်ပါတယ်။

ဆက်လက်ပြီးတော့ ဟားဗတ်တက္ကသိုလ်မှာ မျက်စိအထူးပြု ဆေးပညာကို ဆက်တက်ခဲ့ပါတယ်။ ဒီလိုတက်နေရင်း မျက်ကြည်လွှာဆိုင်ရာ strategy တွေကို ပိုမိုတိုးတက်အောင် ကူညီနိုင်ခဲ့ပါတယ်။ ပါရမီရှင်ရွေးချယ်မှုအဖွဲ့ WSTS(Westinghouse Science Talent Search ) မှာ အနိုင်ရရှိခဲ့သလို အခြားဆုပေါင်းများစွာကိုလည်း ရရှိခဲ့ပါတယ်။

၂၀၀၂ ခုနှစ်မှာတော့ Duke တက္ကသိုလ်ရဲ့ မျက်ကြည်လွှာနဲ့ ခွဲစိတ်မှုဆိုင်ရာ အဖွဲ့ဝင်တယောက်ဖြစ်ခဲ့ပါတယ်။ အဲဒီနောက်တော့ ဂျော်ဂျီယာဆေးကောလိပ်မှာ မျက်ကြည်လွှာ နဲ့ ခွဲစိတ်မှုဆိုင်ရာနည်းပညာတွေကို သုတေသနလုပ်ခဲ့ပါတယ်။ ဆေးရုံတွေမှာ စေတနာ့ဝန်ထမ်းအဖြစ် ထမ်းဆောင်နေရင်း ၂၀၀၈ ခုနှစ်မှာတော့ ဂျော်ဂျီယာဆေးကောလိပ်ကနေ Cell Biology နဲ့ ပါရဂူဘွဲ့ကို ရရှိခဲ့ပါတယ်။

သူဟာ ပရဟိတကို ဝါသနာပါပြီး ချို့တဲ့တဲ့နိုင်ငံငယ်လေးတွေကို မကြာခဏသွားကာ ခွဲစိတ်ကုသမှုများ ပြုလုပ်ပေးခြင်း နဲ့ ပညာရပ်များ မျှဝေပေးခြင်းတို့ကို ပြုလုပ်ခဲ့ပါတယ်။ ၂၀၁၁ ခုနှစ်တုန်းကတော့ ၁၆နှစ်အရွယ်ကောင်လေးတယောက်အတွက် သူ့ရဲ့ ကျောက်ကပ်တဖက်ကို လှူဒါန်းခဲ့ပါသေးတယ်။

၂၀၁၆ ခုနှစ်အထိတော့ ယူတားပြည်နယ် Salt Lake City မှာရှိတဲ့ Moran Eye Center မှာ မျက်စိအထူးကုပါမောက္ခအဖြစ် တာဝန်ထမ်းဆောင်ခဲ့ပါတယ်။ လက်ရှိအချိန်မှာတော့ အသက် ၄၃နှစ် ရှိပြီဖြစ်တဲ့ Ambati ဟာ ယူတားဆေးတက္ကသိုလ်ရဲ့ မျက်ကြည်လွှာ ဆိုင်ရာ သုတေသနဒါရိုက်တာအဖြစ် တာဝန်ထမ်းဆောင်လျှက်ရှိပါတယ်။

#credit thutazone