Astrology

ကိုယ့်မွေးခုကပြောသော ကိုယ့်ဘဝအကြောင်း…မှန်လွန်းလို့ ဖတ်ရတာတန်ပါတယ်…

ကိုယ့်မွေးခုကပြောသော ကိုယ့်ဘဝအကြောင်း…မှန်လွန်းလို့ ဖတ်ရတာတန်ပါတယ်…

သင့်မွေးခုက ပြောသော သင့်အကြောင်း

မြန်မာရိုးရာ ဗေဒင် လက်ဆန်းတွက်နည်းတစ်ခုဖြစ်ပါတယ် ….တွက်နည်းဟာ လွယ်ကူပြီး တော်တော်နီးစပ်အောင်မှန်လှပါတယ်… ဒါကြောင့်ဆောင်ရန်ရှောင်ရန်အတွက်လေးပါ။

လူတစ်ဦးဆီမှာ ပင်ကိုယ် အကျင့်စရိုက် လေးတွေ ပါလာတတ်ပါတယ် ။အခုလိုအကြွင်းများအလိုက်သတ်မှတ်ထားပါတယ်။

( ၀ ) ကြွင်း လောဘကြီးသူ

( ၁ ) ကြွင်း ဒေါသကြီးသူ

( ၂ ) ကြွင်း မောဟစိတ်လွန်ကဲသူ

( ၃ ) ကြွင်း မေတ္တာစိတ်ရှိသူ

( ၄ )ကြွင်း ဂရုဏာစိတ်များသူ

( ၅ ) ကြွင်း မုဒိတာတရားလက်ကိုင်ထားသူ

( ၆ )ကြွင်း ဥပေက္ခာသမား

ဆိုပြီး ( ၇ )မျိုး ခွဲခြာထားပါတယ်

တွက်နည်းကတော့ လွယ်ပါတယ် ….ကိုယ်ရဲ့ မွေးသက္ကရာဇ်ရယ် ၊မွေးနံကို ဂဏန်းပြောင်းပြီး ပေါင်းပါ။

ရတဲ့ အဖြေ ( ၇ ) နဲ့ စားရပါမယ် ….ထွက်လာတဲ့ အဖြေကတော့ ကိုယ့်ရဲ ပင်ကိုယ်စရိုက်ပေါ့ ။

ဥပမာ –

သင့် မွေးသက္ကရာဇ်က ၁၃၅၈ ခု သောကြာသားဆိုရင် ၆ ပေါ့။

၁၃၅၈ + ၆ =၁၃၆၄

၁၃၆၄÷၇= ၆ ကြွင်း ဖြစ်ပါတယ်

အကြွင်းအလိုက်ကိုအောက်တွင် ဖက်ရူလေ့လာနိုင်ပါတယ်….

မြန်မာမွေးနှစ်မသိတဲ့လူတွေအတွက်တော့ အင်္ဂလိပ်ခုနှစ်က မြန်မာခုနှစ်ပြောင်းပြီး ကြည့်နိုင်ပါတယ်။

မွေးနံဂဏန်းတွေကတော့….

တနဂၤေႏြ= ၁

တနလၤာ= ၂

အဂၤါ = ၃

ဗုဒၶဟူး = ၄

ကြာသပတေး = ၅

သောကြာ = ၆

စေန = ၇

အကြွင်း (၀ ) လောဘ

သူကတော့ လိုချင်စိတ်များတယ် ။ရတာနဲ့ မတင်းတိမ်ဘူး ။ရောင့်ရဲတဲ့ စိတ်မရှိဘူး ။ရောက်တဲ့ နေရာမှာ မပျော်ဘူး ဒီထက်သာယာတဲ့ဘဝကို လိုလားတဲ့ သူ။

တစ်ခုမပြီးခင် နောက်တစ်ခုလုပ်ချင်တယ် ဘယ်အရာမဆို လက်ဝါးကြီး အုပ်ချင်တယ် ။ဘယ်တော့မှလည်း နောက်လိုက်မလုပ်ချင်ဘူး ။

ကိုယ်ရယူပိုင်ဆိုင်ဖို့ဆိုရင် ဘယ်အရာကိုမှ မထောက်ထားဘူးမှားသည်မှန်သည် မခွဲခြားဘူး၊ဘယ်နည်းနဲ့ မဆို ရအာင်ယူမှ ကျေနပ်တဲ့ သူ။

လိုချင်စိတ်များတော့ ဘာမဆိုလုပ်ရမှာဝန်မလေးသူပေါ့။ ချမ်းသာလိုတယ် ကြွယ်ဝလိုတယ် ချမ်းသာခြင်းကိုလဲရမဲ့ သူ။

ဒါပေမဲ့ မှားလား မှန်လား တရားဝင်လား တရားမဝင်လားတွေးမှာ မဟုတ်တဲ့အတွက် ဒုက္ခတော့ တွေ့နိုင်တာပေါ့ ။ ဘယ်လိုပဲ ဖြစ်ပါစေ သူကဘဝကို ရည်မှန်းချက်ကြီးကြီးနဲ့ ဖြတ်သန်းမည့်သူပါ။

သူတစ်ပါးမှာရှိတာထက် လိုချင်စိတ်မြင့်မားနေတော့ လူတော်တွေ ဖြစ်တတ်ပါတယ် ။လိုချင်တဲ့ စိတ်ကလေးကို စနစ်တကျ အသုံးပြုသွာမယ်ဆိုရင် ဒိတ်ဒိတ်ကြဲ လူသားဘဝကို ပိုင်ဆိုင်ရမှာ အမှန်ပါ။( ၀ ) ကြွင်းသမားတွေ မှန်ရင်ရှဲယ်ထားလိုက်တော့နော်….။

အကြွင်း ( ၁ ) ဒေါသ

စိတ်ကြီးတယ် မဟုတ်မခံစိတ်များတယ် မတော်မတရား လုပ်တာတွေ့ရင် ကိုယ့်ကိစ္စမဟုတ်လဲ ဝင်ပါဖို့ ဝင်ပြောဖို့ ဝန်မလေးတဲ့သူ ဘေးကနေ အလိုလို ဒေါသထွက်နေတတ်တယ် ။

စိတ်တိုဒေါသထွက်ရင်လဲ ဘာမဆို လုပ်ပစ်ပြောပစ်လိုက်မှ ကျေနပ်တဲ့သူပေါ့ ။ စိတ်ကသာကြီးပါတယ် သူ့နှလုံးသားကတော့ ဖြူစင်လွန်းပါတယ် ။ဘယ်တော့မှလဲ ကိုယ့်ဘက်ကစပြီး ရန်မလုပ်ဘူး သန့်သန့်လေးပြောတတ်ဆိုတတ်တယ် ။

လာစော်ကားပြီး လာငြိပြီ ဆိုရင်တော့ စိန်ခေါ်ရင် တိမ်ပေါ် အထိ လိုက်မဲ့သူပဲ ။ ပင်ကိုစိတ်ရင်းကောင်းတယ် ။သူတစ်ပါးကို ပေးရမှာ ကျွေးရမှာ ထိပ်ဆုံးကပေါ့ ။ဒါပေမဲ့ စိတ်မြန် ဒေါသ ထွက်လွယ်တာကြောင့် အန္တရာယ် အမြဲ ရင်ဆိုင်ရတတ်တယ်။

စိတ်မြန်ပုံကတော့ ဖိနပ်စီးရတာ ခက်နေရင်တောင် ဖိနပ်ကိုကန်ထုတ် ရန်လုပ်ပြီး ဖိနပ်မပါပဲ လျှောက်သွာတတ်တဲ့ သူမျိုး။ကိုယ်ကို လာစော်ကားလာရင်လဲ ဘယ်တော့မှ ခွင့်မလွှတ်ဘူး။ ဖြစ်ခဲ့တာကို စဉ်းစားပြီး စိတ်ထဲမှာ တစ်နုံ့နုံ့နဲ့တွေးပြီး ကြိတ်မနိုင်ခဲမရ ဒေါပွနေတတ်တယ်။

အဲဒီစိတ်ကလေးကို ထိန်းနိုင်တဲ့ နေ့ရောက်ရင် ချမ်းသာကြီးပွားတဲ့ လမ်းပေါ်ကိုစရောက်တဲ့နေ့ပါပဲ ။ ဘယ်သို့ဆိုစေ “လူဖြောင့်စိတ်တို´´ဆိုတဲ့ စကားအတိုင်း အလွန်ရိုးဖြောင့်တဲ့ သူတစ်ယောက်ပါ ။( ၁ ) ကြွင်းသမားတွေ မှန်ရင်ရှဲယ်ထားလိုက်တော့နော်….။

အကြွင်း (၂ )မောဟ

သိပ်တွေဝေတတ်တယ် ဘယ်အရာမဆို ဆုံးဖြတ်ချက်ကို ပိုင်ပိုင်နိုင် မချနိုင်ဘူး ။အရာရာကို မေ့လျှော့နေတတ်တယ် ။ တစ်ခါတစ်လေ ငေါင်တောင်တောင်နဲ့ ငေးမောနေတတ်တာတောင်တွေ့ရတတ်ပါတယ် ။ သီးသန့်နေလို့စိတ်ပြင်းတယ် ။

ပြဿနာတစ်ခုတစ်ယောက်ထဲ မဖြေရှင်းနိုင်ဘူး မြွေမသေ ဒုတ်မကျိုး လုပ်တတ်တယ် ။အလွန်တော်တဲ့ ဖြန်ဖြေရေ း သမာလေး။ ကြားဝင်ဖြေရှင်း ရမယ်ဆိုရင် နှစ်ဖက်နှစ်ခွ မြင်တဲ့သူ။

အပြောအေးအေးလေးနဲ့ ကျလောက်အောင် ပြောတတ်တဲ့သူ။ သူ့ရဲ့ ရိုးပုံအေးပုံကြောင့် လူတိုင်းက ခင်ကြတယ် ။သူကတော့ ရောက်တဲ့နေရမှာ ပျော်အောင်နေမယ် ။

ပြဿနာတွေ့ရင်တောင် ဒါတွေကို မေ့လျှော့ပြီး ကိုယ်လုပ်ချင်တာလုပ်နေမဲ့သူပဲ ။ဒါ့ကြောင်ဘာကိုမှ လေးလေးနက်နက်မရှိဘူးလို့ အထင်ခံရတတ်တယ်။ စကားသာကျလောက်အောင်ပြောတာတစ်ခါတစ်လေ ရှေ့နောက်မညီ ပြောပြီးတာတွေမေ့တတ်ပြန်တယ် ။

စိတ်ဓာတ်တတ်လွယ် ကျလွယ်တယ် ။အရာရာမပြတ်မသားနှောင့်နှေးလွန်းတော့ ဘဝအခွင့်အရေးတွေ မကြာခဏ လက်တစ်လုံးကြားဆုံးရှုံးရတတ်တယ်။သူ့ဘဝကို နိင်နိင်နင်းနှင်းပဲ့ထိန်းပေတဲ့ သူရှိမှ သူဘဝက ဟန်ကျမယ် ။

နောက်ကတစ်ချိန်လုံး လိုက်ပြောနေမှ တန်ရုံကျမှာအပြောခံရလို့ စိတ်ဆိုးမှာတော့ မပူနဲ့ သူကဘယ်တော့မှ မှတ်မထားလို့ပါ ။( ၂ ) ကြွင်းသမားတွေ မှန်ရင်ရှဲယ်ထားလိုက်တော့နော်….။

အကြွင်း( ၃ ) မေတ္တာ

သူကတော့ မေတ္တာ ရှင်ကြီးပေါ့ ။အားနာတတ်တယ် ၊ယုံစားလွယ်တယ် ၊သူတစ်ပါးအပေါ် ခွင့်လွတ်နားလည်စိတ်ရှိတယ် ။သည်းခံစိတ်ရှိတဲံ့နေရမှာ နှစ်ယောက်မရှိဘူး သြောချရလောက်တဲ့ အထိပေါ့။ အရာရာကို ရင်ဆိုင်ရဲတယ်။

လူသားအားလုံးအပေါ်လေးလေး စားစား ဆက်ဆံတတ်တယ် ။ကိုယ့်ကိုယ်ကို အမြဲ နှိမ့်ချနေတတ်တယ် ။သူအနေနဲ့ ရိုးပေမဲ့ သွားအထင်မသေးပါနဲ့ သူ့မှာချစ်တဲ့ခင်တဲသူတွေ အလွန်ပေါတဲ့သူပါ ။လမ်းဘေးတေလေဂျပိုး လူမိုက်ကအစလုပ်ငန်းရှင်ကြီး အထိ သူ့ကိုခင်ကြတယ် ။

အရေးအကြောင်းဆို ကူညီဖို့အသင့်ပဲ ။မြင့်မြတ်တဲ့စိတ်သဘောထားအပေါ် လူတိုင်းက နေရာပေးဆက်ဆံကြတယ် ။ရန်သူအပေါ်မှာတောင်မေတ္တာထား တော့ ဘေးလူတွေနားမလည် အားမလိုအား မရ ဖြစ်တတ်ကြတယ်။

ဒါပေမဲ့ ရန်သူကိုမေတ္တာနဲ့အဆုံးမှာ စည်းရုံးနိုင်တဲ့ သူပါ ။စိတ်သဘောထား ကြီးတယ် မဟုတ်တာ မလုပ်တဲ့သူ။ဘယ်သူ့ကိုမဆို တန်ဖို့းထားဆက်ဆံတတ်တယ်။အပြောသမားမဟုတ်ဘူး လက်တွေ့ဆန်တယ် ။အေးအေးချမ်းချမ်းနေချင်တဲ့သူ။

အချစ်မေတ္တာအပေါ် အလေးအနက်ထားတယ်။အခက်အခဲကိုရင်ဆိုင်ရရင်တောင် မေတ္တာရှေ့ထားပြီး အောင်မြင်မှုကို ရယူတဲ့သူ ပါ ။အားလုံးသိပါတယ် အောင်ခြင်း( ၈ )ပါးကို မြတ်စွာဘုရားက မေတ္တာနဲ့ အောင်မြင်ခဲ့တာကိုလေ။( ၃) ကြွင်းသမားတွေ မှန်ရင်ရှဲယ်ထားလိုက်တော့နော်….။

အကြွင်း( ၄ )ဂရုဏာ

ရင်တဲမှာစာနာတတ်တယ် ၊ ခံစားတတ်တယ်၊ ကြင်နာတဲ့စိတ်အပြည့်ရှိနေတယ် ။သိပ်ကို ကိုယ်ချင်းစာတတ်တယ်။ ချစ်သူခင်သူဖြစ်စေ သတ္တဝါတွေကိုဖြစ်စေ “သနားပါတယ်နော်´´ဆိုပြီး စာနာစိတ်နဲ့ အမြဲ ကူညီလို့စိတ်ရှိတယ် ။

သနားအောင်ပြောရင်ဘယ်လောက်စိတ်ဆိုးနေပါစေ ခွင့်လွှတ်တယ် ။ဂရုဏာသမားမို့ ရန်သူကိုတောင် သနားတတ်တဲသူ ။စိတ်ဆိုးလဲ ခဏပဲ ။ရန်သူကို သူ့ခမျာ ငါ့ကိုတစ်ချိန်လုံးရန်လိုနေတာ သနားပါတယ်တဲ့လေ။

ဒါပေမဲ သူကသူတစ်ပါးအပေါ် ဂရုနာထားသလိုသူ့အပေါ်မှာ ဂရုစိုက်မှကျေနပ်တတ်တဲသူ။ သူကိုဂရုမစိုက်ဘူး အလေးမထာဘူး အချစ်ပေါ့တယ်လို့ ထင်ရင် စိတ်ကောက်ပြီး ဝုန်းတိုင်းကျဲ အရွဲ့တိုက်တတ်သူ။

ဝမ်းနည်းလွယ်တယ် တစ်ဇွတ်ထိုးလုပ်တတ်တယ် ။ ငါကောင်းသလောက်ငါ့အပေါ်မကောင်းဘူးလို့ စိတ်ဝင် ဝမ်းနည်းသွာပြီဆိုရင်အမြန်လေးသာ ချော့လိုက်ပါ ။

လူပုံစံ စတိုင်၊ ဟန်ပန်က အစပြုမူပြောဆိုပုံက မာကျစ်ကျစ် ၊ဘုခွပြော၊မသနားတတ်တဲ့ ကြင်နာစိတ်မရှိတဲ့ သူလိုအပြင်ပန်းမှာ ပေါ်နေတယ် ။တကယ်အတွင်းစိတ် ရင်ထဲမှာတော့ ဂရုဏာ အပြည့်ရှိတဲသူပါ …..

ဂရုဏာကြီးတဲ့ဟန်ဆောင်နေတဲ့ သူနဲတော့တခြာစီပေါ့ ။သူ့သဘော သူ့သဘာ၀ သူ့မနောကိုသိတဲ့ သူတွေကတော့ လေးလေးစားစား နဲ့ သူ့အရိပ်ကို ခိုဝင်ကြတယ် ။ဦးဆောင်သူ ၊ဆရာတွေ ၊ သမားတော်တွေ တော်တော်များများကတော့ ကရုဏာရှင်တွေပေါ့ ။( ၄ ) ကြွင်းသမားတွေ မှန်ရင်ရှဲယ်ထားလိုက်တော့နော်….။

အကြွင်း( ၅ )မုဒိတာ

မုဒိတာကို လက်ကိုင်ထားနိုင်သူမျိုးကတော့ ရှားပါးလှပါတယ် ။သူကတော့ ရှားရှားပါးပါးထဲကသူတစ်ယောက်မို့ လူတစ်သောင်းမှာ တစ်ယောက်တွေ့ခဲလှတဲ့ မုဒိတာ ပွားနိုင်တဲ့ သူတစ်ယောက်ပေါ့ ။

သူတစ်ပါးအောင်မြင်တာ ၊ချမ်းသာကြွယ်ဝတာ ၊ ထွန်းထွန်းပေါက်ပေါက်ဖြစ်တာ၊နာမည်ကြီးတာ ၊ငွေရတာ ၊အလုပ်တိုးတတ်တာ တွေ့ရင် ကိုယ်ကပဲ ဒါတွေကို ခံစားနေရသလိုလိုနဲ့ ပိတိဖြာပြီး ဘေးကနေကြည်နူးနေတတ်တဲ့ သူမျိုး ဒီကမ္ဘာမှား ရှားပါတဲသူပေါ့။

မနာလို ဝန်တိုစိတ်မရှိဘူးအတင်းအဖျင်းမပြောတတ်ဘူး ၊မြင့်မြတ်တဲ့ စိတ်ရှိတယ် ။အရာရာ ရင်ထဲ ခံစားပြီးမှ လုပ်တတ်ပြောတတ်တဲ့သူ ။မှန်ကန် မြင့်မြတ်တဲ့စိတ်ကြောင့်အောင်မြင်မှုထိတ်တန်းရောက်တယ်။

ကိုယ်က သူတစ်ပါးကို ဝေဖန်တိုက်ခိုက်တာ ၊သူတစ်ပါးကို ငယ်ကျိုးငယ်နာ ဖော်ပြီး ဒုက္ခပေးတာမျိုးလုံးဝမုန်းတီးတယ် ။ကိုယ်ကလဲ မလုပ်ဘူး၊လုပ်ရပ်တွေကိုလဲ လက်မခံဘူး ။ရှောင်ရှားတယ် ။.

သူတစ်ပါ း အားနည်ချက်အားသာချက်ကိုဖော်ထုတ်ပြီး ချီကျူးပြီးကောင်းတဲ့ အပြုသဘောတွေကို အကြံပေးမှုလေးတွေကြောင့် သူ့ကိုချစ်ခင်သူတွေပေါတယ် ။မနာလိုဝန်တိုစိတ်မရှိပဲ သူတစ်ပါးအပေါ် မျှဝေခံစား တတ်လို့ ကြီပွားအောင်မြင်မှာ မလွဲပါဘူး ။

အရာရာအပေါ်မှာရင်ထဲက လှိုက်လှိုက်လှဲလှဲ နဲ့ ဖြစ်ထွန်းစေသလို ကိုယ်တိုင်လဲ ဖြောင့်ဖြောင့် မှန်ှမှန်နဲ့အမြဲကြိုးစားနေတဲ့ မြင့်မြတ်တဲ့ နှလုံံးသား ပိုင်ရှင်တစ်ဦးပါ ။( ၅ ) ကြွင်းသမားတွေ မှန်ရင်ရှဲယ်ထားလိုက်တော့နော်….။

အကြွင်း( ၆ )ဥပေက္ခာ

အလွန်ထူးခြားတဲ့ နှလုံးသားပိုင်ရှင်ပေါ့။ ဘာသိဘာသာ အေးအေးဆေဆေးပဲ နေတတ်တယ် ။သူုတစ်ပါးကိစ္စတွေကိုလဲ ကိုယ်နဲ့မဆိုင်အောင် အမြဲကြိုးစာနေတတ်တယ်။ ဝင်ပြီးစွတ်ဖက်တဲ့ သဘာဝကင်းတယ် ။

ရန်သူကိုတောင် ဒေါသထွက်ပြီး ရင်မဆိုင်ပဲ မသိသလို့ ကိုယ့်ကို ရန်လုပ်တာ မဟုတ်သလို့ ခပ်မဆိတ်နေတတ်တယ်။ဥပေက္ခာပြု ကျောခိုင်းနေတတ်တယ်။တည်ကြည်တည်ငြိမ်ပြီး လူးသားအာလုံးကို ကိုယ်စိတ်ကမှန်တယ်ထင်တာလုပ်နေကြတာပဲတဲ့ ။

ဘာဝင်စွတ်ဖက်စရာလို့လဲဆိုတဲ့ သဘော ထားတတ်တယ် ။ ကိုယ့်ကိစ္စနဲ့ ဆိုင်တဲ့ ဝန်းကျင်အလုပ်ကို စူးစူးစိုက်စိုက် လုပ်တတ်လို့အောင်မြင်ကြီးပွားကြပါတယ် ။ ထူးခြားချက်က အနေအေးပြီး အရာရာ ကိုမသိဘူးမထင်နဲ့ ။ အရာရာကို သိတယ် လေ့လာတယ် ။

ပတ်ဝန်းကျင်ကို အမြဲ လေ့လာနေတယ် ။ဖြစ်ပေါ်လာတဲ့ အကြောင် း ဆက်တွေအပေါ် နားလည်လွန်းလို့ အရာရာကို အပြစ်မမြင်ပဲ နေတတ်တဲ့သူ ။အခက်အခဲတွေ ၊ ဒုက္ခတွေကို သူ့ဆီမှာအကူညီတောင်းကြည့်။

ကိုယ့်ပြဿနာ တစ်ခုကို သူ့ပြဿနာတစ်ခုလို လှိုက်လှိုက်လှဲလှဲသဘောထာပြီး ကူညီမှာသေချာတယ် ။ကိုယ်နဲ့ မပတ်သက်သမျှ ဝင်မပါဘူး။ ကိုယ်နဲ့မိတ်ဆက်မပေးသမျှ မည်မျှမျက်မှန်းတန်းနေပါစေ ပြုံးပြနှုတ်ဆက်မှာမဟုတ်ဘူး ။

ယဉ်ကျေးတယ် သိမ်မွေ့တယ် ၊ အရေကြုံလာရင် တကယ်အားထားရတယ် ။ အကယ်ကို အမြင်ကြည်လင်တဲ့ သူတွေပေါ့ ။တစ်နေ့မှာသူဟာ ဘာသာ သာသနာအတွက် တန်ဖိုးရှိတဲ့လူတစ်ယောက်ဖြစ်နိုင်သူ တွေလို့ ရှေးပညာရှိတွေက ဆိုပါတယ်။( ၆ ) ကြွင်းသမားတွေ မှန်ရင်ရှဲယ်ထားလိုက်တော့နော်….။

ဆရာ ဂျာမိုးဦးနေပြည်တော် ဗေဒင်လက္ခဏာ / 09785426564